Ýakynda mukaddes Garaşsyzlygymyzyň 35 ýyllyk baýramy mynasybetli “Saglygym – baş baýlygym” ady bilen Bereket etrabynyň bedenterbiýe we sport bölüminiň KA-nyň, TKA-nyň Bereket etrap birleşmesiniň, bilelikde gurnamagynda Bereket etrabynyň sport mekdebinde zähmet çekýän erkek adamlaryň arasynda “Tanap çekmek” bäşleşigi geçirildi. Ýaryş örän gyzgalaňly we çekeleşikli geçdi. Bu ýaryşda 1-nji orny Bereket etrabynyň sport mekdebinden düzülen “Berkarar” topary, 2-nji orny bolsa Bereket etrabynyň sport mekdebinden “Agzybirlik” topary eyelemegi başardylar. Ýeňijiler Türkmenistanyň Kärdeşler arkalaşyklarynyň Bereket etrap birleşmesiniň sowgatlary we Bereket etrabynyň bedenterbiýe we sport bölüminiň Hormat hatlary bilen sylaglanyldy.
Şemşat Täjowa,
Bereket etrabynyň bedenterbiýe we sport bölüminiň sport mekdebiniň usulyýetçisi, Bereket etrabynyň bedenterbiýe we sport bölüminiň KA-nyň ilkinji guramasynyň başlygy.
