Berkarar döwletiň täze eýýamynyň Galkynyşy döwründe Gahryman Arkadagymyzyň taýsyz tagallasy bilen her bir raýatyň okamagy, işlemegi, döretmegi üçin ähli şertler döredilýär. Watanymyzda sentýabr aýynda “Ýol hereketiniň howpsuzlygy-ömrümiziň rahatlygy” atly biraýlygyň badalga berilmegi hem raýatlaryň abadan durmuşyň hözirini görmekleri üçin edilýän aladalaryň biridir.
“Garaşsyz,baky Bitarap Türkmenistan–bedew batly at-myradyň mekany” ýylynda Türkmenbaşy etrabynyň 1-nji orta mekdebinde hem Kärdeşler arkalaşyklarynyň Türkmenbaşy etrap birleşmesiniň,TMÝG-nyň Türkmenbaşy etrap Geňeşiniň we Polisiýanyň Türkmenbaşy etrap bölüminiň polisiýanyň ýol gözegçiligi bölümçesi bilen bilelikde gurnamagynda mekdep okuwçylarynyň arasynda wagyz-nesihat çäresi geçirildi.
Çärede ýaşlara köçe-ýol hereketiniň düzgünleri, pyýada ýollarda, çatryklarda hereket etmegiň tertibi, ýol belgileriniň, yşyklarynyň many-mazmuny barada giňişleýin gürrüň edildi.
Şemşat Arazmämmedowa,
TKA-nyň Türkmenbaşy etrap birleşmesiniň baş hasapçysy
