Hormatly Prezidentimiziň atalyk aladasy bilen eziz Diýarymyzda ýaş nesilleriň sagdyn ösmegi, bagtyýar durmuşda ýaşamagy ugrunda uly işler durmuşa geçirilýär.
“Ýol hereketiniň howpsuzlygy – ömrümiziň rahatlygy” atly biraýlygyň geçirilmegi ýol-ulag hadysalarynyň, şikes almalaryň mese-mälim azalmagyna mümkinçilik bermek bilen birlikde, sürüjilerde-de, pyýada ýolagçylarda-da, körpelerdir mekdep okuwçylarynda-da ýol hereketiniň howpsuzlygyna jogapkärli garamak endigini terbiýeleýär.
Ýakynda Türkmenistanyň Kärdeşler arkalaşyklarynyň Balkan welaýatynyň Gyzylarbat etrap birleşmesi, etrabyň beýleki jemgyýetçilik guramalary we Gyzylarbat etrap polisiýa bölüminiň, wekilleriniň gatnaşmagynda Balkan welaýat maliýe-ykdysady orta hünär okuw mekdebiniň talyp ýaşlarynyň arasynda, Konstitusiýany, kanunlary düşündirmek, kanun bozulmalaryň öňini almak, ýol hereketiniň kadalaryny, ýaramaz endikleriň täsirlerini, jenaýatçylygyň alamatyny, ýangyn howply ýagdaýlaryň döremek howpyny, sagdyn durmuş we milli ahlak ýörelgelerini düşindirmek maksady bilen täsirli maslahat geçirildi. Mundan başgada çärede çykyş edenler ýaşlarymyzy sagdyn durmuş ýörelgesine çekmek, sportyň dürli görnüşleri bilen meşgullanmaga höwes döretmek, Watana bolan söýgüni, milli buýsanjy kemala getirmek üçin milli ýörelgelere laýyk gelýän, terbiýeçilik ähmiýetli gürrüňleri çäresiniň dowamynda belläp geçdiler. Diýarymyzda ýaşlar üçin edilýän atalyk aladalara jogap edip Gahryman Arkadagymyza, Arkadagly Gahryman Serdarymyza çäksiz sag bolsunlaryny aýtdylar.
Aýnagözel Muhammedowa,
TKA-nyň Gyzylarbat etrap
birleşmesiniň esasy hünärmeni
